बलिउड अभिनेत्री रानी मुखर्जी अभिनीत फिल्म 'मर्दानी ३' ले भारतमा करिब ४० करोड भारू नजिकको आम्दानी गरेको छ।
दोस्रो साता पूरा गर्दा फिल्मले ३९ करोड ७० लाख भारू नेट कमाइ गरेको भारतीय संचारमाध्यमले जनाएका छन्।
अभिराज मिनावाला निर्देशित ‘मर्दानी ३’ अपराध र अनुसन्धानको कथामा आधारित प्रहरी केन्द्रित एक्सन-थ्रिलर फिल्म हो। फिल्मले दोस्रो सातामा पहिलो साताको तुलनामा केही कम व्यापार गरे पनि समग्र आम्दानी सन्तोषजनक रहेको जनाइएको छ। विश्वभरको आम्दानी ६० करोड भारू नजिक पुगेको अनुमान गरिएको छ।
यशराज फिल्म्सको व्यानरमा बनेको 'मर्दानी ३' को निर्माता आदित्य चोपडा हुन्।
फिल्ममा रानी मुखर्जीसहित जानकी बोडिवाला, मल्लिका प्रसादलगायत कलाकारहरू छन्।
'मर्दानी ३' को बजेट ६० करोड भारू रहेको र डिजिटल अधिकार ३५ करोड भारूमा बिक्री भएको जनाइएको छ।
-1746009348.jpg)
