बलिउड अभिनेता रणवीर सिंहलाई ठूलो रकमको मागसहित गर्दै धम्की आएको छ।
चर्चित अपराधिक समूह लरेन्स बिश्नोईका सदस्यहरूले रणवीरसँग १० करोड भारू माग्ने प्रयास गरेको भारतीय संचारमाध्यम एनडीटीभीले उल्लेख गरेको छ।
समाचारअनुसार उक्त गिरोहको मुख्य सदस्य ह्यारी बक्सरले रणवीर सिंहको व्यवस्थापकको ह्वाटस्एपमा अमेरिकी नम्बरबाट धम्कीपूर्ण भ्वाइस नोट पठाएका हुन्।
मुम्बई प्रहरीले उक्त नम्बरबारे थप जानकारीका लागि अमेरिकी अधिकारीहरूसँग सम्पर्क गरेको जनाइएको छ।
यसै महिना फिल्म निर्माता रोहित शेट्टीको घर बाहिर गोली प्रहारको घटनापश्चात रणवीरलाई उक्त धम्की नोट पठाइएको हो।
उक्त घटनामा पाँच गोली प्रहार भएको थियो र आरोपितलाई पक्राउ गरिएको थियो। यद्यपि, रणवीर सिंहलाई पठाइएको धम्की नोटसम्बन्धी अहिलेसम्म कुनै मुद्दा दर्ता गरिएको छैन।
यस घटनापछि बलिउड उद्योगमा सुरक्षा र जोखिमबारे चिन्ता बढेको छ।
-1746009348.jpg)
