गायिका बबिता मानन्धरको स्वरमा लोक आधुनिक शैलीको गीत 'कलियुगकी राधा' सार्वजनिक भएको छ।
बिहीबार काठमाडौंमा आयोजित कार्यक्रममा वरिष्ठ गायिकाहरू कुन्ति मोक्तान, सुक्मित गुरूङ, मनिला सोताङ र देविका बन्दनाले संयुक्त रुपमा गीत सार्वजनिक गरेका हुन्।
गीतमा डिपी खनालको शब्द, शंकर थापा ‘स्माइल’ को संगीत, विषम आचार्यको एरेन्ज र कुमार केसीको मिक्सिङ छ। राजीव समरको निर्देशनमा बनेको भिडिओमा आश्मा बिश्वकर्मा र अभिषेक श्रेष्ठको नृत्य देख्न सकिन्छ।
भिडिओमा दिनेश पराजुलीको छायांकन र दिन्सन शाहको सम्पादन छ। सुरेश मानन्धर निर्माता रहेको गीत डान्सिङ बिटमा आधारित छ। गीतमा आधुनिक समाजमा प्रेम, नारी भावना र सम्बन्धको यथार्थलाई समेटिएको छ।
कार्यक्रममा बोल्दै अतिथिहरूले बबिता मानन्धरको गायकीको प्रशंसा गर्दै गीतले दर्शक-श्रोताको मन जित्ने विश्वास व्यक्त गरे। साढे दुई दशकदेखि संगीत क्षेत्रमा सक्रिय मानन्धरले दर्जनौं चलचित्र तथा आधुनिक गीतमा स्वर दिइसकेकी छन्।
'आत्मामा', 'बाँधी दिए मायाको डोरीले' लगायत उनका थुप्रै गीतहरू लोकप्रिय छन्।
भिडिओः
-1746009348.jpg)
