सन् २०१० को सुरूवाततिर सिओडी ब्यान्डका सदस्यहरूले स्थापना गरेको 'सुपरस्टार इन्टरटेनमेन्ट' नेपाली भिडिओ प्रोडक्सनको क्षेत्रमा चर्चित नाम हो।
विगत १४ वर्षपछि नयाँ कलाकारहरूलाई प्लेटफर्म प्रदान गर्दै आएको यसले नेपाली संगीत उद्योगमा गहिरो छाप छोडेको छ। यस कम्पनीले आफ्नो यात्रा दिवंगत र्यापर यम बुद्धको ऐतिहासिक गीत ‘साथी’ बाट सुरू गरेको थियो। जिएक्ससोल, आर्लभ गुरूङ र बेइट जस्ता कलाकारहरूसँग सहकार्य गर्दै कम्पनीले धेरै हिट गीतहरू दिइसकेको छ।
चार वर्षको अन्तरालपछि सुपरस्टार इन्टरटेनमेन्टले नयाँ प्रस्तुति सार्वजनिक गरेको छ। उदीयमान र्यापर तथा प्रोड्युसर रूथलेक्सको स्वर र संगीत रहेको 'नखोज मेरो फाइदा तिमी' सार्वजनिक गरिएको हो। भिडिओमा रूथलेक्स र मानुषी गिरी प्रस्तुत छन्।
यस भिडिओको निर्देशन बिएक्सधनले गरेका छन्। उनको नयाँ सोच र एक्स फ्याक्टरले नेपाली आर एन्ड बी भिडिओको स्तरलाई विश्वव्यापी बनाउने अपेक्षा गरिएको छ।
सुपरस्टार इन्टरटेनमेन्टको आधिकारिक युट्युबमा भिडिओ सार्वजनिक छ।
