परराष्ट्र मन्त्री नारायण खड्का टर्की जाने भएका छन्।
सरकार प्रवक्ता तथा सञ्चार तथा सूचना प्रविधि मन्त्री ज्ञानेन्द्रबहादुर कार्कीले परराष्ट्र मन्त्रीको नेतृत्वमा टर्की जाने प्रतिनिधि मण्डल गठन गर्ने निर्णय मन्त्रिपरिषद्ले गरेको जानकारी दिए।
उनका अनुसार मन्त्री खड्का नेतृत्वको टोली अन्तालिया डिप्लोमेसी फोरम र अंकारामा हुने दुई पक्षीय वार्तामा सहभागी हुनेछन्।
टर्कीको अन्तालिया सहरमा मार्च ११ देखि १३ सम्म अन्तालिया डिप्लोमेसी फोरम आयोजना हुँदैछ।
विभिन्न विषयमा छलफल गर्न उक्त फोरममा विभिन्न देशका राष्ट्र प्रमुख, सरकार प्रमुख, नेता, कूटनीतिज्ञलगायत सहभागी हुँदैछन्।
यो फोरम गत वर्षदेखि आयोजना गर्न थालिएको हो।
मन्त्री खड्काको भ्रमणको विस्तृत कार्यतालिका आउन बाँकी छ।
