टेकुस्थित कथा घेराको कौसी थिएटरमा कलाकार इलुममणि दीक्षित र विजय आनन्द ताम्राकार अभिनीत नाटक ‘के अस’को नियमित मञ्चन सुरु भएको छ।
यो नाटक भदौ २३ र २४ को घटनापश्चात कलाकारहरूले अनुभूत गरेको मानसिक छटपटी र सामाजिक मनोदशालाई अभिव्यक्त गर्ने उद्देश्यले तयार गरिएको यसको निर्माण पक्षले बताएको छ।
डार्क कमेडी शैलीमा निर्माण भएको यो नाटक पूर्वनिर्धारित अंक वा स्क्रिप्टबिनै आशु-अभिनयमार्फत प्रस्तुति दिन्छ। दुई हराएका पात्रको यात्रामार्फत नाटकले असम्भव परिस्थितिभित्र मानवीय भावना, अराजकता र मनोविज्ञानको खोज प्रस्तुत गर्छ।
ईलममणि दीक्षित र विजय आनन्द ताम्राकारकै लेखन, निर्देशन र अभिनय रहेको नाटक प्रत्येक मञ्चनसँगै पुनः लेखिँदै जाने डेभाइज्ड प्ले को स्वरूपमा छ।
नाटकलाई स्टुडियो आकार ले निर्माण गरेको हो भने ढोकैमा क्याफे र कथा घेरा सहनिर्माता रहेका छन्। सिर्जनाकर्ताहरूले नाटकले कलाकार र दर्शक दुवैलाई “मुक्त र पुनर्जीवित” अनुभव दिलाउने उद्देश्य बोकेको बताएका छन्।
तस्बिरहरूः
-1764307574.jpg)
-1764307574.jpg)
-1764307574.jpg)
-1764307573.jpg)
-1764307573.jpg)
-1764307573.jpg)
-1764307572.jpg)
-1764307572.jpg)
-1764307572.jpg)
-1764307571.jpg)
-1764307571.jpg)
-1764307571.jpg)