मण्डला थिएटरमा ‘चरणदास चोर’ (तस्विरहरु)

नवीनबाबु गुरूङ

चैत १

काठमाडौंको थापागाउँस्थित मण्डला नाटकघरमा नाटक 'चरणदास चोर'को नियमित मञ्चन सुरु भएको छ।

प्रख्यात भारतीय रंगकर्मी हबीब तन्वीरद्वारा लिखित नाटकलाई नेपाली परिवेशमा राजन खतिवडा र आशन्त शर्माले रुपान्तरण गरेका छन्। नाटकको निर्देशन मिलन कार्कीले गरेका हुन्।

लोकशैली र हास्य व्यंग्यको प्रयोग गरिएको 'चरणदास चोर' सामाजिक विषयवस्तुमा आधारित नाटक हो।

कथामा एक चोर भए पनि सधैँ सत्य बोल्ने वाचा गरेको पात्र चरणदासको जीवनमार्फत समाजभित्र रहेको भ्रष्टाचार र शक्तिको दुरूपयोगलाई व्यंग्यात्मक शैलीमा प्रस्तुत गरिएको छ। नाटकले मनोरञ्जनसँगै दर्शकलाई समाजका मूल्य, सत्य र नैतिकताबारे सोच्न प्रेरित गर्ने सन्देश बोकेको छ।

नाटकमा विश्वविजय विश्वकर्मा, विनय पन्त, बिनिता गिरी, अनुस्का कार्की, लक्ष्मण खत्री, जितन राई, पार्बता भुसाल, दुर्गा पौडेल, सरिता नेपाली, टेकबहादुर खाती, रिजन थिङ्ग लामा, प्रबल जोशी, अर्मन शाही, मणिराज घले लगायतका कलाकारहरुको अभिनय रहेको छन्।

मण्डलाको थिएटर ल्याबको १८औं ब्याचका कलाकारहरूको सहभागितामा तयार पारिएको यस प्रस्तुति समाजको यथार्थलाई व्यङ्ग्यात्मक ढंगले प्रस्तुत गर्ने प्रयास भएको निर्देशक कार्कीले बताएका छन्। उनका अनुसार नाटकले दर्शकलाई हाँस्ने, रमाउने मात्र होइन, आफ्नै जीवन र समाजतर्फ फर्केर सोच्न प्रेरित गर्ने उद्देश्य राखेको छ।

मण्डला थिएटर नेपाल को प्रस्तुति रहेको यो नाटक आगामी चैत ११ गतेसम्म सोमबारबाहेक नियमित रुपमा मञ्चन हुनेछ ।

charandas-chor-(12)-1773506452.jpg