विद्यालयमा पढिएको कथा अब पुस्तकका पानाबाट बाहिर निस्किएर रंगमञ्चमा जीवन्त बनेको छ।
कक्षा ८ को अनिवार्य नेपाली विषयमा समावेश दन्त्यकथा ‘स्यालसिंह’ शुक्रबारदेखि थापागाउँस्थित कुञ्ज थिएटरमा मञ्चन भइरहेको छ। एक थिएटर नेपालको प्रस्तुतिमा तयार भएको यस नाटकको परिकल्पना तथा निर्देशन तीर्थराज विश्वकर्माले गरेका हुन्।
पाठ्यपुस्तकमा पढिएको कथालाई अभिनय, संवाद, संगीत, प्रकाश र आकर्षक मञ्च सजावटमार्फत दर्शकमाझ नयाँ ढंगले प्रस्तुत गरिएको छ।
कथामा सिंहको करुणाले बाँच्न पाएको एउटा स्याल, सिंहकै संरक्षणमा हुर्किएपछि देखावटी प्रतिष्ठा र झुटो शक्तिको भ्रममा पर्छ। तर अन्ततः सत्य उजागर हुन्छ र चरित्र तथा कर्म नै व्यक्तिको वास्तविक परिचय भएको सन्देश नाटकले दिन्छ।
नाटकमा सोनम तामाङ, सविन थामी, विशाल शाही, सेर्मो तामाङ, सुस्मिता गुरुङ, प्रकाश कार्की र स्काई राईले अभिनय गरेका छन्।
‘स्यालसिंह’ असार २३ गतेसम्म बुधबार बाहेक हरेक साँझ ५:३० बजे कुञ्ज थिएटरमा मञ्चन हुनेछ। साथै, प्रत्येक शनिबार दिउँसो १:३० बजे अतिरिक्त शो पनि सञ्चालन हुने आयोजकले जनाएको छ।
-1782704382.jpg)
-1782704381.jpg)
-1782704381.jpg)
-1782704381.jpg)
-1782704381.jpg)
-1782704381.jpg)
-1782704380.jpg)
-1782704380.jpg)
-1782704380.jpg)
-1782704380.jpg)
