बलिउड फिल्म 'बर्फी' की अभिनेत्री इलियाना डिक्रूज आमा बन्दै छिन्।
गर्भवती भएपछि उनले पहिलो पटक आफ्नो तस्बिर इन्स्टाग्राममा पोस्ट गरेकी छन्। उनले केही समयअघि आफू आमा बन्न लागेको जानकारी इन्स्टाग्राममार्फत दिएकी थिइन्।
इलियानाको विवाह भएको छैन। उनी कट्रीना कैफको भाइ सेबस्टियन लोरेन माइकलसँग डेट गरिरहेको भारतीय सञ्चारमाध्यममा उल्लेख छ। केही समयअघि दुवै विक्की कौशल र कट्रीनासँग देखिएका थिए।
इलियाना पछिल्लो समय फिल्म ‘द बिग बुल’ मा देखिएकी थिइन्। हालै उनको ‘सब गजब’ गीत सार्वजनिक भएको थियो।
इलियाना रणदीप हुड्डासँग फिल्म ‘अनफेयर एन्ड लभली’ मा देखिनेछिन्।
