यस्तो छ ठेचोमा मनाइने मतया:जात्रा

नारायण महर्जन

काठमाडौं, भदौ १२

ललिपुरको ठेँचोका स्थानीयले गाईजात्राको भोलिपल्ट मनाइने मतया दीप यात्रा मनाएका छन्। ठेचो सांस्कृतिक बाजा संरक्षण समितिको अगुवाइमा मनाइएको उक्त मतया जात्रामा बाजागाजा सहितका सास्कृतिक भाँकी परम्परागत नेवारी भेषभूषा लगायत वर्षौ वितिसक्दा पनि पुननिर्माणमा सरकारी ढिलाईप्रति व्यंगङगात्मक प्रदर्शन गरिएको थियो ।

त्यस्तै जात्रामा रातो मच्छिन्द्रनाथको नक्कली रथ त्यस्तै गरि जावलाखेलमा अवस्थित चिडियाखानाको नक्कली स्वरुप रथसँगै जात्रा अवलोकनका लागि जिवित देवी कुमारीको भेषमा स्थानीय बालिकालाई नक्कली सिहासनमा सजाइएको दृष्य र रथमा कपासको बनावटी दाह्री जुंगा र रातो भेषभुषामा नक्कली पानेजु र गुरुजुहरु राखिएको थियो।

साथै रथ राखेको स्थानबाट अलि पर काठमाडौं सुनधाराको भुकम्पले ध्वस्त भएको धरहराको प्रतिविम्व र अशोक स्तुपा र गणेशको भेषमा सजिएका एक पुरूषले जात्रामा अवलोकन गर्न आएकालाई स्वागत गर्दै अगाडि बढेको दृश्य अर्को समूहमा राणा प्रधानमन्त्री चन्द्रशम्शेरको भेषका पुरुष सहित मुलुकमा पहिलो पल्ट मकवानपुरको भीमफेदीबाट गाडी ल्याउदा बोकेको दृश्य हाकुपटासी गुनियो चोलो घाटीमा भिपु माला र चादीका सिक्री र खुट्टामा पाउजुले सजिएका महिलाहरुको ओहोर दोहर पनि निकै आकर्षक रहेको देखिन्थ्यो।