राष्ट्रपति विद्यादेवी भण्डारीले प्रदेश २ सरकारले सञ्चालन गरेको ‘बेटी बचाऊ, बेटी पढाऊ’ अभियानलाई राष्ट्रिय कार्यक्रमको रूपमा अघि बढाउनु पर्ने बताएकी छन्।
महोत्तरीको मटिहानी नगरपालिकाले निर्माण गरेको रंगशाला उद्घाटन गर्न आएकी उनले यो अभियान संघ र प्रदेश सरकारबीच समन्वय गरेर देशैभरि लैजानु पर्ने आवश्यकता रहेको बताइन्।
बालविवाह, बोक्सी प्रथा, अनमेल विवाह र अशिक्षाले प्रदेश २ को विकास चुनौती पूर्ण रहेको राष्ट्रपति भण्डारीले बताइन्। अन्नको भण्डार मधेश उर्वरभूमि रहेको तर चुरे दोहनले मधेशको जीवन संकटमा पर्दै गएकाले चुरेको संरक्षण गर्नु नै मधेशको संरक्षण हुने उनले औंल्याइन्।
राष्ट्रपति भण्डारीले खेल मानव जीवनको अभिन्न अंग रहेको उल्लेख गर्दै विद्यार्थी र युवाको खेल क्षेत्रमा बढेको आकर्षणलाई रंगशालाले सहयोग पुर्याउने विश्वास व्यक्त गरिन्।
-1746009348.jpg)
