फिफा विश्वकप २०२६ मा बिहीबार विहान कोलम्बियाले उज्वेकिस्तानमाथि ३-१ को जित निकालेसँगै समूहको पहिलो चरणका २४ खेल सकिए। सहभागी ४८ टोलीले आफ्नो पहिलो खेल खेले।
पहिलो खेलको आधारमा बिबिसी स्पोर्टका विज्ञहरुले ४८ टोलीको वरियता निर्धारण गरेका छन्। सबै टोलीको खेल हेरेका विज्ञहको समूहले वरियता तयार पारेको छ।
प्रमुख विश्लेषण (१-१० सम्मका उत्कृष्ट टोली)
१. फ्रान्स - सेनेगललाई ३-१ ले हरायो। प्रतियोगिताअघिको चर्चा अनुसार नै दोस्रो हाफमा उत्कृष्ट प्रदर्शन। हरेक स्थानमा बलिया खेलाडी, जितका मुख्य दावेदार।
२. इंग्ल्यान्ड : क्रोएसियालाई ४-२ ले हरायो। ह्यारी केनको नेतृत्वमा आक्रामक खेल। रक्षापंक्तिमा भने केही सुधार आवश्यक।
३. अर्जेन्टिना : अल्जेरियालाई ३-० ले हरायो। लिओनल मेसीको जादुमयी उपस्थितिले टोलीको मनोबल उच्च छ। शीर्ष तीनमा पर्न मेसी नै काफी छन्।
४. जर्मनी : कुरासाओलाई ७-१ ले हरायो। विपक्षी कमजोर भए पनि ७ गोल गर्ने टोलीलाई नजरअन्दाज गर्न सकिँदैन।
५. अमेरिका : पाराग्वेलाई ४-१ ले हरायो। घरेलु मैदान र दर्शकको साथमा अमेरिकाले उत्कृष्ट प्रदर्शन गर्यो। बालगुनको गोल दर्शनीय थियो।
६. नर्वे : इराकलाई ४-१ ले हरायो। एर्लिङ हालान्डको शक्तिमा केन्द्रित टोली।
७. कोलम्बिया : उज्बेकिस्तानलाई ३-१ ले हरायो। लुइस डियाजको चमक र टोलीको गति प्रभावशाली छ।
८. मोरक्को : ब्राजिलसँग १-१ को बराबरी। सुरुवाती २० मिनेट ब्राजिलमाथि हाबी। अझै राम्रो गर्ने क्षमता छ।
९. ब्राजिल : मोरक्कोसँग १-१ को बराबरी। सुरुवात कमजोर देखिए पनि अनुभवी खेलाडीले हार टारे।
१०. स्वीडेन : ट्युनिसियालाई ५-१ ले हरायो। प्रिमियर लिगका खतरनाक स्ट्राइकरहरूको साथले स्वीडेन बलियो देखियो।
मध्यम वरियता (११-३० सम्म)
११-१५: अस्ट्रेलिया, स्पेन, नेदरल्यान्ड्स, मेक्सिको र जापान
अस्ट्रेलियाले टर्कीलाई हराएर चकित पार्यो। स्पेन भने केप भर्डसँग गोलरहित बराबरीमा रोकिँदा स्तब्ध बन्यो। नेदरल्याण्ड्स र जापानले रोमाञ्चक २-२ को बराबरी खेले। मेक्सिकोले दक्षिण अफ्रिकालाई सहजै हरायो।
१६-२०: स्कटल्यान्ड, काबे भर्डे, बेल्जियम इजिप्ट, सेन्गल
स्कटल्याण्डले २८ वर्षपछिको दबाबका बीच हाइटिलाई १-० ले हरायो। काबे भर्डेका गोलकिपर मोजिन्हाले स्पेनविरुद्ध ऐतिहासिक प्रदर्शन गरे। बेल्जियम र इजिप्ट १-१ को बराबरीमा रोकिए। सेनेगल फ्रान्ससँग हारे पनि खेल राम्रो थियो।
२१-३०: पोर्चुगल, क्रोएसिया, कंगो, स्विट्जरल्यान्ड, न्युजिल्यान्ड, इरान, साउदी अरेबिया, हाइटी, दक्षिण कोरिया, उरुग्वे
पोर्चुगल डीआर कंगोसँग १-१ मा रोकिँदा क्रिस्टियानो रोनाल्डोमाथिको अत्यधिक निर्भरता देखियो। क्रोएसियाको रक्षापंक्ति कमजोर देखियो। न्युजिल्यान्ड र इरानले २-२ को बराबरी खेले। साउदी अरब र उरुग्वेले पनि १-१ को बराबरी गरे (उरुग्वेले २८ पटक प्रहार गर्दा पनि जित्न सकेन)।
तल्लो वरियता (३१-४८ सम्म)
३१-४०: टर्की, अस्ट्रिया, आइभरी कोस्ट घाना, अल्जेरिया, जोर्डन, बोस्निया एन्ड हर्जगोभिना, क्यानडा, इराक, इक्वेइडर।
टर्की अष्ट्रेलियासँग हार्दा स्तब्ध भयो। अस्ट्रिया, आइभोरी कोस्ट र घानाले साघुँरो जित निकाले पनि खेल प्रभावकारी थिएन। अल्जेरिया मेस्सीको जादुसामु निरीह बन्यो। क्यानडा र बोस्नियाले बराबरी खेले।
४१-४८ (सबैभन्दा कमजोर): चेक, उज्वेकिस्तान, दक्षिण अफ्रिका, कतार, पाराग्वे, ट्युनिसिया, पानामा, कुरासाओ।
चेक गणतन्त्रले अग्रता जोगाउन सकेन। दक्षिण अफ्रिकाले ९ खेलाडीमा सिमित भएर खेल हार्यो। कतार भाग्यले मात्र बराबरीमा रोकियो। ट्युनिसियाले पहिलो खेलपछि नै म्यानेजर बर्खास्त गरेर इतिहास रच्यो (खराब प्रदर्शनका कारण)। पुछारमा कुरासाओ रह्यो, जसले जर्मनीसँग ७ गोल खायो, यद्यपि उसले एउटा सान्त्वना गोल भने गर्यो।
-1781765840.png)
