केप भर्डे फिफा विश्वकप २०२६ को नक आउट चरणमा प्रवेश गरेको छ।
शनिबार बिहान साउदी अरबलाई गोलरहित बराबरीमा रोक्दै केप भर्डेले ऐतिहासिक सफलता हात पारेको हो।
केप भर्डेको यो डेब्यू विश्वकप हो। समूह चरणको तीनै खेल उसले बराबरी खेलेको छ। अंक तालिकामा तीन अंक मात्रै जोडेको केप भर्डे समूह एचको उपविजेता बनेर नक आउट प्रवेश गरेको हो।
शनिबार बिहानै स्पेनसँग उरूग्वे पराजित भएपछि पनि केप भर्डेको नक आउट यात्रा सुनिश्चित भएको हो।
केप भर्डेले अब नक आउट चरणमा तीन पटकको विश्वकप विजेता अर्जेन्टिनाको सामना गर्नेछ।
सो खेल जुलाई ४ मा हुनेछ।
