फिफा विश्वकप २०२६ को पहिलो नक आउट चरणको समीकरण पूरा भएको छ।
आइतबार बिहान समूह चरणका खेलहरू सकिएपछि नक आउट खेल्ने सबै ३२ टोलीको टुंगो लागेको हो।
१२ वटा समूहबाट विजेता र उपविजेता बनेर चौबिस टोली नक आउट प्रवेश गरेका छन्। बाँकी ८ देश तेस्रो स्थानमा रहेका टोलीमध्ये उत्कृष्ट नतिजाका आधारमा छनोट भएका हुन्।
समूह 'ए' बाट मेक्सिको र दक्षिण अफ्रिका, 'बी' बाट स्विट्जरल्याण्ड र क्यानडा, 'सी' बाट ब्राजिल र मोरक्को, 'डी' बाट अमेरिका र अस्ट्रेलिया, 'ई' बाट जर्मनी र आइभोरी कोस्ट, 'एफ' बाट नेदरल्याण्ड्स र जापान, 'जी' बाट बेल्जियम र इजिप्ट, 'एच' बाट स्पेन र केप भर्डे, 'आई' बाट फ्रान्स र नर्वे, 'जे' बाट अर्जेन्टिना र अस्ट्रिया, 'के' बाट कोलम्बिया र पोर्चुगल, 'एल' बाट इंग्ल्याण्ड र क्रोएशिया समूह विजेता र उपविजेता बनेर नक आउट प्रवेश गरेका हुन्।
तेस्रो स्थानमा उत्कृष्ट नतिजाका आधारमा कंगो, स्वीडेन, घाना, इक्वेडर, बोसनिया एन्ड हर्जगोभिना, अल्जेरिया, पाराग्वे र सेनेगल नक आउटमा पुगेका छन्।
नक आउट चरण भोलिदेखि नै सुरू हुनेछ।
भोलि बिहान १२:४५ बजे दक्षिण अफ्रिका र क्यानडाबीच नक आउटको पहिलो खेल हुनेछ।
अब अन्तिम ३२ मा जर्मनी र पाराग्वे, फ्रान्स र स्वीडेन, दक्षिण अफ्रिका र क्यानडा, नेदरल्यान्ड्सल र मोरक्को, पोर्चुगल र क्रोएसिया, स्पेन र अस्ट्रिया, अमेरिका र बोसनिया एन्ड हर्जगोभिना, बेल्जियम र सेनेगल एउटा पोलको अन्तिम ३२ मा खेल्नेछन्।
अर्कतर्फ ब्राजिल र जापान, आइभोरी कोस्ट र नर्वे, मेक्सिको र इक्वेइडर, इंग्ल्याण्ड र कंगो, अर्जेन्टिन र केप भर्डे, अष्ट्रेलिया र इजिप्ट, स्विटजरल्यान्ड र अल्जेरिया र कोलम्बिया र घाना भिड्नेछन्।
पहिलो नक आउटबाट पराजित हुने १६ टोली बाहिरिनेछ। जित्ने टोलीले अन्तिम १६ मा भिड्नेछन्। अन्तिम १६ का खेलहरू जुलाई ४ देखि सुरू हुनेछन्।
