अमेरिकाको क्यान्सास सिटीको प्रचण्ड गर्मीमा स्वीट्जरल्याण्डमाथि रोमाञ्चक जित हात पार्दै साविक विजेता अर्जेन्टिना सन् २०२६ को विश्वकपको सेमिफाइनलमा प्रवेश गरेको छ।
अब सेमिफाइनलमा अर्जेन्टिनाको भेट इंल्यान्डसँग हुने निश्चित भएको छ। अर्को सेमिफाइनलमा फ्रान्स र स्पेन भिड्नेछन्।
खेलको ११२ औं मिनेटमा जुलियन अल्भारेजले पेनाल्टी एरिया बाहिरबाट गरेको उत्कृष्ट गोल र खेलको अन्त्यतिर लाउटारो मार्टिनेजले गरेको तेस्रो गोलको मद्दतले अर्जेन्टिनाले स्वीट्जरल्याण्डको प्रतिरोध समाप्त पार्यो। ३-१ को जितसँगै अर्जेन्टिनाले आगामी बुधबार आफ्नो चिरपरिचित प्रतिद्वन्द्वी इङ्गल्याण्डसँग सेमिफाइनलको भेट पक्का गरेको छ।
यद्यपी खेलको मुख्य चर्चाको विषय भने स्वीट्जरल्याण्डका ब्रिल एम्बोलोले पाएकोरातो कार्ड बन्यो। डान एनडोएले अर्जेन्टिनाका एलेक्सिस म्याक एलिस्टरको सुरुवाती गोललाई बराबरी गरेलगत्तै एम्बोलोलाई मैदानबाट निकालिएको थियो।
भिडियो असिस्टेन्ट रेफ्रीले उनलाई 'गलत पहिचान'को आधारमा दोषी देखायो, जहाँ फुटेजले उनी लियोान्ड्रो पारेडेसको चुनौतीमा लडेको नभई 'डाइभ' गरेको प्रमाणित गरेको थियो।
यस विश्वकपमा पहिलोपटक लियोनल मेसीले गोल गर्न सकेनन् र उनको स्थानमा जुलियन अल्भारेज चम्किए। एथ्लेटिको म्याड्रिडका यी स्ट्राइकरले थप गरिएकोमा प्रतियोगिताकै उत्कृष्ट मध्येको एक गोल गर्दै अर्जेन्टिनालाई जित दिलाए।
खेलको सुरुवात मेसी र अर्जेन्टिनाका लागि सहज देखिएको थियो। १० मिनेटभन्दा कम समयमै मेसीको कर्नरमा म्याक एलिस्टरले हेडमार्फत गोल गरेका थिए। मेसीको यो १० औं विश्वकप असिस्ट थियो। रोचक कुरा के छ भने, उनले यी १० वटा पास १० फरक-फरक गोलकर्ताहरूलाई दिएका छन्।
तर खेल बढ्दै जाँदा मेसी थकित देखिए। ३९ वर्षको उमेरमा लगातार १२० मिनेटको खेल खेल्नु उनका लागि चुनौतीपूर्ण देखिएको छ। तैपनि, उनको विश्वकप जित्ने सपना अझै जीवितै छ।
खेलको ७२ औं मिनेटमा स्वीट्जरल्याण्ड हावी देखिएको थियो। त्यही बेला एक विवादास्पद घटना भयो। सुरुमा रेफ्रीले अर्जेन्टिनाका पारेडेसले एम्बोलोलाई लडाएको ठानेर पारेडेसलाई पहेँलो कार्ड देखाउन खोजेका थिए।
तर भारले जाँच गर्दा त्यहाँ कुनै सम्पर्क नभएको र एम्बोलो आफैँ लडेको देखियो। फिफाको नयाँ नियम अनुसार यदि रेफ्रीले गलत खेलाडीलाई सजाय दिन लागेका छन् भने त्यसलाई 'गलत पहिचान' अन्तर्गत सच्याउन सकिन्छ। रेफ्रीले पारेडेसको कार्ड फिर्ता लिएर एम्बोलोलाई 'डाइभ' गरेकोमा पहेँलो कार्ड दिए।
एम्बोलोको यो दोस्रो पहेँलो कार्ड भएकाले उनी रातो कार्ड खाँदै मैदान बाहिरिन बाध्य भए।
