आगामी आइतबार राति न्युजर्सीस्थित मेटलाइफ रंगशालामा फुटबल इतिहासकै एउटा स्मरणीय फाइनल हुँदैछ। एकातिर साविक विश्व विजेता अर्जेन्टिना छ भने अर्कोतिर युरोपेली च्याम्पियन स्पेन।
यो खेल अर्जेन्टिनी कप्तान लिओनेल मेसीका लागि अझ विशेष छ, किनकि उनले आफ्नो फुटबल करियरको स्वर्ण युग स्पेनमै बिताएका थिए।
खेलको समय:
• मिति: आइतबार, १९ जुलाई
• स्थान: मेटलाइफ रंगशाला, न्युजर्सी
• समय: नेपाली समय अनुसार आइतबार मध्यरात १२:४५ बजे
लुइस डे ला फुएन्टेको प्रशिक्षणमा रहेको स्पेनिस टोलीले सेमिफाइनलमा बलियो दाबेदार फ्रान्सलाई पाखा लगाउँदै फाइनलमा स्थान बनाएको हो। स्पेनले पूरै खेलमा बल आफ्नो नियन्त्रणमा राख्दै फ्रान्सको आक्रामक पंक्तिलाई निसासिने गरी दबाबमा राखेको थियो।
स्पेनको यो यात्रा निकै सुधारिएको छ। समूह चरणमा केबो भर्डेसँग बराबरीमा रोकिए पनि साउदी अरब र उरुग्वेलाई हराउँदै स्पेन अघि बढेको थियो। नकआउट चरणमा पोर्चुगल र बेल्जियम जस्ता कठिन टोलीहरूलाई अन्तिम समयको निर्णायक गोल (मिकेल मेरिनोको गोल) मार्फत पराजित गर्दै स्पेन सन् २०१० पछि पहिलो पटक फाइनल पुगेको हो।
अर्जेन्टिना लगातार दोस्रो र समग्रमा सातौँ पटक विश्वकप फाइनल खेल्दैछ। कप्तान मेसी यस प्रतियोगितामा ८ गोल र विश्वकप इतिहासमा कुल २१ गोलका साथ सानदार फर्ममा छन्।
अर्जेन्टिनाको यात्रा निकै चुनौतीपूर्ण र नाटकीय रहेको छ। समूह चरणमा शतप्रतिशत जित निकाले पनि नकआउट चरणमा उसले कडा संघर्ष गर्नुपर्यो। इजिप्ट विरुद्ध ७९औँ मिनेटसम्म २-० ले पछि परेको अवस्थामा ३-२ को ऐतिहासिक जित निकाल्नु र सेमिफाइनलमा इङ्ल्यान्ड विरुद्ध पुनरागमन जित निकाल्नुले अर्जेन्टिनाको आत्मविश्वास उच्च बनाएको छ। मेसीको जादु र लाउटारो मार्टिनेजको फिनिसिङ अर्जेन्टिनाका मुख्य हतियार हुन्।
इतिहास के भन्छ?
विश्वकपमा यी दुई टोलीबीच यसअघि सन् १९६६ मा मात्र एक पटक भेट भएको थियो, जहाँ अर्जेन्टिना २-१ ले विजयी भएको थियो।
यद्यपी समग्रमा यी दुईबीच १३ पटक मैत्रीपूर्ण खेलहरू भएका छन्, जसमा स्पेनले ६ र अर्जेन्टिनाले ५ खेल जितेका छन्। सन् २०१८ को मैत्रीपूर्ण खेलमा स्पेनले अर्जेन्टिनालाई ६-१ को भारी अन्तरले हराएको थियो, जुन घाउ अर्जेन्टिनाले अझै बिर्सेको छैन।
सम्भावित सुरुवाती ११
स्पेन:
सिमोन (गोलकिपर); पोरो, लापोर्टे, कुबार्सी, कुकुरेला; रोड्री, फाबियन; लामिन यामल, ओल्मो, बाएना; ओयार्जाबल।
अर्जेन्टिना:
मार्टिनेज (गोलकिपर); नाहुएल, रोमेरो, लिसान्द्रो मार्टिनेज, टाग्लियाफिको; पारेडेस, म्याक एलिस्टर, एन्जो फर्नान्डेज, जुलियानो सिमियोनी; मेसी, जुलियन अल्भारेज।
