एनआइसी एशिया बैंकका ग्राहकहरूले अब आफ्नो मोबाइल बैंकिङ एप प्रयोग गरी स्मार्ट क्युआरद्वारा भुक्तानी लिने मर्चेन्टहरूलाई भुक्तानी गर्न सक्ने भएका छन्।
मोबाइल बैंकिङ एप प्रयोगकर्ताले मोबाइल बैंकिङ एपमा रहेको क्युआर भुक्तानी गर्ने विकल्प छनौट गरी स्मार्ट क्युआर स्क्यान गरी भुक्तानी गर्न सक्नेछन्।
साथै, एनआइसी एशिया बैंकमा खाता नभएका ग्राहकहरूले पनि प्ले स्टोर वा एप स्टोरमा गइ एनआइसी एशिया मोबैंक एप डाउनलोड गरी लाइट (वालेट) अकाउन्ट रजिस्ट्रर गरेर पनि सजिलै भुक्तानी गर्न सक्नेछन्।
यो सुविधा सुरू भएसँगै एनआइसी एशिया बैंकको मोबाइल बैंकिङ सेवामा नयाँ आयाम थपिएको बैंकले बताएको छ।
साथै स्मार्ट क्युआरमार्फत भुक्तानी लिने व्यवसायीलाई पनि बैंकको मोबाइल बैंकिङ प्रयोगकर्तासँँग भुक्तानी लिन सहज भएको बताइएको छ।
हाल बैंकका १४ लाखभन्दा बढी मोबाइल बैंकिङ एप प्रयोगकर्ता रहेका छन्।
