साताको पहिलो दिन आइतबार नेप्से परिसूचक ३८.३७ प्रतिशतले घटेको छ।
नेप्से २०५१.४७ विन्दुमा आएपछि बजार बन्द भएको छ।
बैंकहरूको नाफा २५ प्रतिशतले बढेको देखिएपनि लाभांश क्षमतामा ह्रास देखिएपछि बजार घटेको हो।
आइतबारसम्म सबै वाणिज्य बैंकहरूको गत आर्थिक वर्ष २०७९/८० को वित्तीय विवरण प्रकाशित भइसकेको छ। यस अनुसार कतिपय बैंकको सञ्चित आम्दानी समेत ऋणात्मक देखिएको छ।
केही वर्षदेखि कमजोर बनिरहेको बैंकहरूको लाभांश क्षमतामा यस वर्ष पनि सुधार हुन सकेको छैन। बैंकहरूले ३२ अर्ब ११ करोड रूपैयाँ नाफा बढ्न सक्ने देखिएको छ।
बैंकहरूले औसतमा १२.४४ प्रतिशत लाभांश बाढ्न सक्ने देखिन्छ। यसमा पनि दुई बैंकको प्रावधान बढेपछि भने प्रतिफल बाढ्न नसक्ने अवस्थामा रहेका छन्। हिमालयन बैंक र कुमारी बैंक प्रतिफल दिन नसक्ने अवस्थामा छन्।
प्रभु, नेपाल एसबिआई र नेपाल इन्भेष्टमेन्ट मेगा बैंक पनि २ प्रतिशतभन्दा पनि कम लाभांश दिन सक्ने क्षमतामा छन्। एभरेष्ट बैंकले सबैभन्दा धेरै ४०.५ प्रतिशत लाभांश दिन सक्ने देखिएको छ।
आइतबार लाभांश क्षमता राम्रा देखिएका वाणिज्य बैंकहरूको कारोबारमा भने वृद्धि देखिएको छ। सानिमा बैंक, एभरेष्ट बैंक, एनआइसी एशियाको कारोबार उच्च भएको छ। यी बैंकको ११ देखि १३ करोड हाराहारी रकमको कारोबार भएको हो।
आइतबार सेयर बजारमा कारोबारमा आएका सबै समूहगत परिसूचक घटेका छन्। होटल र वित्त कम्पनी समूहगत परिसूचकहरू सबैभन्दा धेरै करिब ४ प्रतिशतले घटेको छ।
यस दिन कारोबार रकम भने केही बढेको छ। बिहीबार एक अर्ब ७८ रूपैयाँको सेयर किनबेच भएकोमा आइतबार दुई अर्ब ६८ करोड रूपैयाँको कारोबार भएको हो।
कारोबारमा आएका २ सय ६५ कम्पनीमध्ये ३३ वटा धितोपत्र तथा ऋणपत्र लगायतको मूल्य बढेको छ। २ सय २४ को मूल्य घटेको छ। यसै दिनबाट कारोबारमा आएको आइएमई लाइफ इन्स्योरेन्स कम्पनीको सबैभन्दा धेरै १० प्रतिशतले मूल्य बढेर सर्किट ब्रेक लागेको छ।
कम्पनीको ५ सय २९ बाट पहिलो कारोबार भएको थियो। बजार बन्द हुँदा मूल्य ५ सय ८२ रूपैयाँ ४० पैसा पुगेको छ। कम्पनीको ५ हजार ३ सय ५४ पटक कारोबार हुँदा ३ करोड १८ लाख रूपैयाँको सेयर किनबेच भएको हो।
-1746009348.jpg)
