राष्ट्रिय सम्मेलन गर्न लागेको नेकपा (माओवादी केन्द्र)को स्थायी कमिटी बैठक आज दिउँसो फेरि बस्ने भएको छ।
आज बिहान बसेको बैठकले दुई एजेन्डामा छलफल गरेको माओवादी केन्द्रका प्रवक्ता कृष्णबहादुर महराले जानकारी दिए।
उनका अनुसार शुक्रबार दिउँसो एक बजे दुइटा अन्य पार्टीहरू माओवादी केन्द्रसँग एकीकरण हुन लागेका छन्। नेकपा मसालबाट छुट्टिएर बनेको दल र अर्को एउटा दल माओवादीसँग एकीकरण हुँदैछन्।
बिहानको बैठकमा अध्यक्ष पुष्पकमल दाहाल ‘प्रचण्ड’ राष्ट्रिय सम्मेलनमा पेस गर्न लागेको प्रस्ताव पेस गरेका छन्।
‘हामीले प्रस्ताव अध्ययन गरेका छैनौं,’ महराले भने,‘दिउँसो तीन बजे फेरि स्थायी कमिटी बैठक बस्छ।’
माओवादी केन्द्रको पुस ११ देखि काठमाडौंको कमलादीमा राष्ट्रिय सम्मेलन हुँदैछ। माओवादीले नयाँ विचार र नयाँ पार्टी निर्माणका लागि राष्ट्रिय सम्मेलन गर्न लागेको जनाएको छ।
-copy-1745411477.jpg)
-1746009348.jpg)
