जारी आइसिसी विश्वकप-२०१९ मा न्यूजिल्याण्डले बंगलादेशमाथि २ विकेटको रोमाञ्चक जित हासिल गरेको छ।
बंगलादेशले न्यूजिल्याण्डलाई २४५ रनको लक्ष्य दिएको थियो। सो लक्ष्य पछ्याउन आएको न्यूजिल्याण्डलाई बंगलादेशले २१८ रन बनाउँदा उसका ७ विकेट झारेर दबाब दिएको भएपनि मिचेल सैन्टरले अन्तिम ओभरहरूमा न्यूजिल्याण्डको ब्याटिङलाई नियन्त्रणमा राखे जसका कारण १७ बल बाँकी रहँदै न्यूजिल्याण्डले जित हासिल गर्यो।
जितसँगै न्यूजिल्याण्ड लगातार दुई खेल खेल्दै अंक तालिकामा पहिलो स्थानमा पुगेको छ। अघिल्लो खेलमा न्यूजिल्याण्डले श्रीलंकालाई पराजित गरेको थियो भने बंगलादेशले दक्षिण अफ्रिकालाई पराजित गरेको थियो।
बंगलादेशले दिएको २४५ रनको लक्ष्य पछ्याउने क्रममा ओपनर मार्टिन गुप्टिल २५ र कोलिन मुनरो २४ रन बनाएका थिए।
त्यसपछि तेश्रो विकेटको लागि कप्तान केन विलियमसन र रोस टेलरले १०५ रनको साझेदारी गरे। यस साझेदारीलाई ३२ औं ओभरमा लगातार २ विकेट लिदैं बंगलादेशलाई बलियो स्थितितीर डोर्याए। यसक्रममा विलियमसन ४० तथा टम लाथम शून्यमा आउट भए।
टेलरले सर्वाधिक ८२ रन बनाए। त्यसपछि ५ विकेटको क्षतिमा १९१ रनमा रहेको न्यूजिल्याण्डलाई डि ग्रयाण्डहोम र जेम्स निशामले २१८ को स्कोरमा पुर्याए।
ततपश्चातः जितका लागि ७ रन बाँकी रहेको अवस्थामा हेनरी आउट हुँदा न्यूजिल्याण्डको २ विकेट बाँकी थियो। त्यसपछि स्याटनर र लकी फर्गुसनले न्यूजिल्याण्डलाई जिततर्फ लम्काए। न्यूजिल्याण्डका लागि ४८ औं ओभरको पहिलो बलमा स्याटनरले विजयी सट खेले।
यसपारीमा बंगलादेशका लागि मेहदी हसन, शाकिव अल हसन, मोहम्मद सैफुदिन र मोसद्देक हुसेनले समान २-२ विकेट लिएका थिए।
त्यसअघि ब्याटिङ गरेको बंगलादेशका लागि शाकिब अल हसनले सर्वाधिक ६४ रन बनाए। सो पारीमा सैफुद्दिनले २९ रन बनाउँदा मोहम्मद मिथुन, सौम्य सरकार, तामिम इकबाल तथा महमदुल्लाले क्रमशः २६, २५, २४ तथा २० रन बनाएका थिए।
यसक्रममा न्यूजिल्याण्डका म्याट हेनेरीले सर्वाधिक ४ विकेट लिदां लकी फर्गुसन, कोलिन डी ग्राण्डहोम तथा मिचेल स्यान्टनरले समान १-१ विकेट लिएका थिए।