फिफा विश्वकप २०२६ को सबभन्दा उत्कृष्ट मानिएको फ्रान्सको अंग्रपक्तिलाई रोक्दै स्पेन फाइनलमा प्रवेश गरेको छ।
अमेरिकाको डलासमा भएको सेमिफाइनलमा २-० गोलको जित निकाल्दै स्पेन सन् २०१० पछि उपाधि नजिक पुगेको हो।
पछिल्लो तीन वर्षमा स्पेनले फ्रान्समाथि सेमिफाइनलमा लगातार तेस्रो जित हात पार्न सफल भयो। सन् २०२४ को युरो कप र सन् २०२५ को युइएफए नेसन्स लिगको सेमिफाइनलमा स्पेनले फ्रान्सलाई पराजित गरेको थियो।
विशेषगरी स्पेनले मिडफिल्डमा पकड जमाउँदै फ्रेन्च फरवार्डलाई खुलेर खेल्न दिएन। प्रतियोगिताको उत्कृष्ट मानिएको फ्रान्सलाई रोक्ने टोली स्पेनको जितका पछाडि धेरै कारण छन्।
दोस्रो उपाधि जित्ने अभियानमा रहेको स्पेनले अब उपाधिका लागि अर्जेन्टिना र इंग्ल्यान्डमध्ये एक टोलीसँग खेल्नु पर्नेछ।
प्रतियोगितामा इंग्ल्यान्डका अंग्रपक्तिमा जुड बेलिङघम र ह्यारी केनको जोडी लयमा छ। दुवैले ६-६ गोल गरिसकेका छन्। मिडफिल्डर डेक्लान राइस पूर्ण फिट नहुनु इंग्ल्यान्डको टाउको दुखाइ बनेको छ। यस्तोमा अर्जेन्टिनाका कप्तान लिओनल मेसी हाबी हुन सक्छन्। प्रतियोगितामा ८ गोल गरिसकेका मेसीलाई अंग्रपक्तिमा साथ दिन अल्भारेज लगायतका खेलाडी छन्।
बलियो टिम भावना र जितका लागि अन्तिमसम्म लड्ने स्वभाव भएकाले अर्जेन्टिनाले सेमिफाइनल सम्मको यात्रा तय गरेको हो।
फ्रान्सलाई हराउँदा स्पेनले अपनाएको रणनीति कस्तो हो? फ्रान्सका कमजोरी के के हुन्? अर्जेन्टिना र इंग्ल्यान्डको खेलमा कुन खेलाडी चल्न सक्लान्?
यिनै विषयमा सेतोपाटीका प्रेम ढकाल र सीताराम कोइरालाले विस्तृत विश्लेषण गरेका छन्।
हेर्नुहोस् भिडिओ —
