‘इन्टु मिन्टु लण्डनमा’ फिल्मको नयाँ गीत सार्वजनिक भएको छ ।
बुधबार काठमाडौंमा एक कार्यक्रमको आयोजना गरि सिनेमाको 'जुरायो जुरायो' बोलको गीत सार्वजनिक गरिएको हो । सार्वजनिक गीतमा संगीतकार बसन्त सापकोटाको शब्द तथा संगीत रहेको गीतमा राजेश पायल राई र मेलिना राईको स्वर छ ।
फिल्म असोज ५ गते रिलिज हुँदैछ।
गीतमा साम्राज्ञी राज्यलक्ष्मी शाह र शारुक ताम्राकारलाई फिचर्ड गरिएको छ ।
कोरियोग्राफर रेनेशा बान्तवा राईको निर्देशकिय डेब्यू फिल्मबाट नव-नायक धिरज मगरले नेपाली रजतपट प्रवेश गर्ने तयारीमा छन्।
‘इन्टु मिन्टु लण्डनमा’ साम्राज्ञी राज्यलक्ष्मी शाह, नव नायक धिरज मगर तथा शारुक ताम्राकारका अलावा अर्जुन श्रेष्ठ, दिलभुषण पाठक, विजय लामा, रुवी राणालगायतको पनि अभिनय छ ।
आईकोर फिल्मस्को ब्यानरमा निर्माण भएको सिनेमालाई प्रज्वल शमसेर जबरा र प्रभु शमसेर जबराले मिलेर निर्माण गरेका हुन् । सिनेमाका सह-निर्माताहरुमा सुलेखा राई, बसन्त तामाङ र सुष्मिता जिरेल रहेका छन् ।
प्रज्ज्वल समशेर जबरा र रेनाशाकै कथा रहेको सिनेमाको लेखकमा अभिमन्यु दिक्षित र रेनाशा रहेका छन् भने, आभास कर्माचार्यको संवाद रहेको छ ।शैलेन्द्र धोज कार्कीको छायांकन रहेको फिल्ममा टिसूजिल कर्माचार्य, हर्कुलस बस्नेत, स्वप्न सुमन र बसन्त सापकोटाको संगीत सिनेमामा रहेको छ ।