बलिउड अभिनेत्रीहरूसँगै फोटोमा देखिएका ओरीको अहिले सामाजिक संजालमा चर्चा भइरहेको छ।
उनी बलिउडको पार्टीमा देखिँदै आएका छन्। पार्टीमा मात्रै नभई ओरी अभिनेत्रीहरुसँग अन्य कार्यक्रममा पनि देखिरहेका छन्।
ओरीको पुरा नाम हो, ओरहान अवत्रामणि। उनको इन्स्टाग्राममा ११ लाखभन्दा बढी फलोअर्स छन्। उनले आफ्नो इन्स्टाग्राममा फिल्म प्रिमियर, फोटोसुटको तस्बिर र भिडिओ पोस्ट गरिरहेका हुन्छन्। हालै उनले भारती र हर्षको पोडकास्टमा एक फोटो खिचाउन कति लिन्छन् भनेर खुलासा गरेका छन्।
भारतीले सोधेकी थिइन्, 'महँगो छौं?' उनले जबाफमा भने, 'किन सस्तो देखिन्छु।'
यसपछि हर्ष सोध्छन्, 'एक फोटोको लागि कति लिन्छौं?' उनले जबाफमा भने, '२० लाख भारू।' उनले फ्यानसँग फोटो खिच्दा पैसा नलिने बताए। यस्तै उनले कुनै कार्यक्रममा गएभने २५ लाख भारू लिने समेत बताए।
ओरी मुम्बईको सामाजिक कार्यकर्ता हुन्। उनी अभिनेत्री सारा अली खानसँगै कोलम्बिया युनिभर्सिटीमा पढाइ गरेका थिए।
उनी बलिउडको 'बिएफएफ' को रूपमा पनि चिनिन्छन्। उनी पछिल्लो समय आफ्नो बोल्ड फेसन छनोट र फ्यान फलोइङको कारण चर्चामा छन्।
उनी मुम्बईको व्यवसायी पनि हुन्। रिलायन्स इन्डस्ट्रिज लिमिटेड चेयरपर्सन अफिसमा उनी विशेष परियोजना प्रबन्धकको रूपमा काम गर्छन्। यसबाहेक उनले न्यूयोर्कको पार्सन स्कुल अफ डिजाइनबाट फाइन आर्ट्स र कम्युनिकेशन डिजाइनमा स्नातक गरेका थिए।
