गैरआवासीय नेपाली संघ (एनआरएनए) अन्तर्राष्ट्रिय समन्वय परिषद (आइसिसी) को एघारौं महाधिवेशनमा रोबिनप्रसाद शेरचनले उम्मेदवारी घोषणा गरेका छन्।
उनले आइसिसीको आगामी २०२३-२०२५ कार्यकालका लागि उपाध्यक्षमा उम्मेदवारी घोषणा गरेका हुन्।
हालको कार्यसमितिमा उनी एनआरएनए आइसिसी सदस्यको रूपमा काम गर्दै आएका छन्।
आइसिसीको एघारौं महाधिवेशन आउँदो अक्टोबरमा काठमाडौंमा हुने भएको छ।
लामो समयदेखि जापानमा बसेर व्यवसाय गर्दै आएका शेरचन सामाजिक र परोपकार क्षेत्रमा समेत क्रियाशील छन्।
परदेशमा बसेर नेपाली समुदायका लागि अन्तर्राष्ट्रियस्तरमा निस्वार्थ सेवा गर्ने उद्देश्यले एनआरएनए रोजेको उनले बताए।
