प्रहरीले हातहतियार खरखजना मुुद्दाका फरार प्रतिवादीलाई नौ महिनापछि पक्राउ गरेको छ।
देवघाट गाउँपालिका-२ बैदीका ३९ वर्षीय मीनबहादुर मगरलाई प्रहरीले पक्राउ गरेको हो।
तनहुँ जिल्ला अदालतको २०७७ फागुन २१ गतेको फैसलाले मगरलाई दुई महिना नौ दिन कैद सुनाएको थियो।
अदालतको फैसलापछि उनी फरार थिए।
मगरलाई पक्राउ गरी प्रहरीले जिल्ला अदालतसमक्ष पेस गरिएको छ। उनलाई बाँकी कैद भुक्तानका लागि अदालतमा पेस गरिएको प्रहरी नायब उपरीक्षक युवराज तिमिल्सेनाले जानकारी दिए।
जिल्लामा पछिल्लो समय चोरी, डकैती, लागूऔषध दुर्व्यवसनी र सवारी दुर्घटनामा न्यूनीकरण आएको प्रहरीले जनाएको छ। सवारी साधन जाँचमा तीव्रताका साथै प्रहरीले गस्तीसमेत बढाएको छ।
