नेपाली कांग्रेसको १४ औं महाधिवेशन अन्तर्गत प्रदेश सभा अधिवेशनमा रोल्पा जिल्लामा संस्थापन र संस्थापनइतरले एक/एक क्षेत्रमा जित हासिल गरेका छन्।
निर्वाचन परिणाम अनुसार प्रदेश सभा (क) को सभापतिमा दुर्गाबहादुर खड्का विजयी भएका छन्। संस्थापन पक्षधर खड्काले प्रतिस्पर्धी सिमबहादुर विष्टलाई १७ मतान्तरले पराजित गरेका हुन्।
त्यस्तै, प्रदेश सभा (ख) को सभापतिमा गोपाल घर्ती विजयी भएका छन्।
प्रतिस्पर्धी दिलमन बुढाथोकीलाई ६५ मतान्तरले पराजित गर्दै संस्थापनइतरका घर्ती निर्वाचित भएका हुन्। घर्ती यसअघि पनि प्रदेश सभापति थिए। यहाँ उनको प्यानलले नै जित हासिल गरेको छ।
रोल्पाको मत परिणाम सोमबार सार्वजनिक भएको हो।
-1746009348.jpg)
