नेपाली कांग्रेसका कार्यवाहक सभापति पूर्णबहादुर खड्काले केन्द्रीय समिति बैठक पटक पटक स्थगित गर्नुपरेकोमा माफी मागेका छन्।
सर्वसम्मत निर्णय गर्न भन्दै पटक पटक केन्द्रीय समिति बैठक सारिएपछि कांग्रेसमा नेतृत्वको आलोचना भइरहेको छ।
शुक्रबारका लागि बोलाइएको केन्द्रीय समिति बैठक पनि आइतबारका लागि सारिएपछि आलोचना भएको हो।
कार्यवाहक सभापति खड्काले बिहीबार बेलुकी सामाजिक सञ्जाल एक्समा पोस्ट गर्दै केन्द्रीय समिति बैठक पटकपटक सार्नुपरेकोमा माफी मागेका छन्।
'केन्द्रीय समिति बैठक सारेकोमा सबैसँग माफ पाऊँ। गाली सबैले मलाई गर्नुस्, जसले गाली गर्न डिजर्भ गर्नु हुन्छ,' खड्काले भनेका छन्, 'जबसम्म सर्वसम्मत निर्णय गर्ने अवस्था बन्दैन, म बैठक सारिरहन्छु, म कार्यवाहक रहेसम्म।'
कार्यवाहक सभापति खड्का र सभापति शेरबहादुर देउवाले बिहीबार दिनभर नेताहरूसँग कुराकानी गरे पनि महाधिवेशनको मितिबारे सहमति जुट्न नसकेपछि केन्द्रीय समिति बैठक नै सारिएको थियो।
कांग्रेसमा फागुन २१ को चुनावअघि नियमित वा विशेष कुन महाधिवेशन गर्ने भन्ने विवाद छ।
कतिपय नेताहरूले पन्ध्रौं महाधिवेशन वैशाखमा गर्नुपर्ने बताइरहेका छन्। नेताहरूबीच महाधिवेशन कार्यतालिकामा मतभेद हुँदा केन्द्रीय समितिले लामो समयसम्म निर्णय गर्न सकेको छैन।
-1756446574.jpg)
-1746009348.jpg)
