अर्काको खाताको रकम किर्ते गरी आफ्नो खातामा ल्याएर बैंकिङ कसुरको आरोप लागेका एक युवालाई प्रहरीले पक्राउ गरेको छ।
पक्राउ पर्नेमा इलाम जिर्मले घर भई हाल रोङ गाउँपालिका-५ का केशव राई छन्।
उनलाई इटहरी-४ तुलसा टोलबाट पक्राउ गरिएको जिल्ला प्रहरी कार्यालय सुनसरीले जनाएको छ।
राईले सेन्चुरी कमर्सियल बैंक शाखा कार्यालय चतरामा सहायक पदमा काम गर्दा पार्वती विष्टको खातामा रहेको रकम किर्ते दस्तखत गरी आफ्नोमा ल्याएको आरोप छ।
विभिन्न समयमा २७ लाख रुपैयाँ अनधिकृत रुपमा निकालेर फरार भएपछि पीडित प्रहरीमा पुगेकी थिइन्।
सुनसरीका प्रहरी उपरीक्षक सञ्जयसिंह थापाका अनुसार उनलाई मंगलबार पक्राउ गरिएको छ। पक्राउ परेकै दिनबाट उच्च अदालत विराटनगरको आदेशले हिरासत लिई अनुसन्धान थालिएको थापाले बताए।
