३८ वर्षीय न्युरोसर्जन डाक्टर सुबास लोहनीको निधन भएको छ।
टोखास्थित ग्राण्डी टावरमा सोमबार दिउँसो उनी बेहोस अवस्थामा फेला परेका थिए। बेहोस अवस्थामा भेटिएका डाक्टर लोहनीको अस्पताल लैजाँदा-लैजाँदै मृत्यु भएको हो।
महानगरीय प्रहरी परिसर काठमाडौंका अनुसार डाक्टर लोहनीले सोमबार दिउँसो बेहोस भएका थिए। उनी टोखा नगरपालिका-३ स्थित ग्रान्डी टावरको ११ औं मा तलामा बस्ने गरेका थिए।
बेहोस भएका लोहनीलाई डाक्टर रहेकी उनकी श्रीमतीसहितले उपचारका लागि अस्पताल लगेका थिए। तर अस्पताल पुग्न नपाउँदै बाटोमा उनको मृत्यु भएको प्रहरीले जनाएको छ।
लोहनीलाई एक साताअघि कोरोनाभाइरसको संक्रमण पनि भएको थियो।
केही वर्ष न्युरो अस्पताल बाँसबारीमा डाक्टर उपेन्द्र देवकोटासँग काम गरेका लोहनी पछिल्लो समय महाराजगन्जस्थित नेशनल न्युरो सेन्टरमा आवद्ध थिए।
साहित्य, अध्यात्म र संगीतमा पनि रूचि राख्ने लोहनीका थुप्रै लेखहरू प्रकाशित छन्।
-1746009348.jpg)
