कोरोना खोप लगाइदिएवापत घुस लिएको आरोपमा दुई जना पक्राउ परेका छन्।
पक्राउ पर्नेमा महोत्तरी स्वास्थ्य चौकीमा हेल्थ असिस्टेन्ट पदमा कार्यरत अजय कुमार साह र कृष्णा कुमार यादव छन्।
साहले सेवाग्राहीसँग २० हजार रुपैयाँ घुस लिएर कोरोना खोप लगाइदिएको उजुरी अख्तियार दुरूपयोग अनुसन्धान आयोगमा परेको थियो।
साहको निर्देशनमा यादवले कोभिड-१९ विरूद्धको खोप लगाई दिई सेवाग्राहीबाट २० हजार रुपैयाँ लिएका थिए।
घुस लिइसकेको अवस्थामा उनीहरूलाई जनकपुर उपमहानगरपालिका-७ नयाँ-बसपार्क, धनुषाबाट पक्राउ गरिएको अख्तियारले जनाएको छ।
उक्त रकमसहित नियन्त्रणमा लिई थप अनुसन्धान भइरहेको अख्तियारले जनाएको छ।
-1746009348.jpg)
