काठमाडौंबाट दुर्लभ सालकलाई एक करोड १० लाख रुपैयाँमा बेच्न खोजेको आरोपमा एक जनालाई प्रहरीले पक्राउ गरेको छ।
काठमाडौं महानगरपालिका वडा नम्बर ३२ मरुछासपाखाबाट एक जनालाई महानगरीय अपराध महाशाखाको टोलीले पक्राउ गरेको प्रवक्ता प्रहरी उपरीक्षक कृष्ण कोइरालाले जानकारी दिए।
प्रहरीले तीन किलोको जिउँदो सालकसहित दोलखा कालिञ्चोक गाउँपालिका वडा नम्बर ६ लिफ्टुङका २६ वर्षीय उद्धव थामीलाई पक्राउ गरेको हो।
मरुछासपाखा क्षेत्रमा केही व्यक्तिहरूले सालक बिक्री वितरण गर्न लागेको भन्ने सूचना पाएपछि बिहीबार प्रहरीको टोली थामीको डेरामा पुगेको थियो।
उनले सो सालक एक करोड १० लाख रुपैयाँमा बिक्री गर्न खोजेको प्रहरी उपरीक्षक कोइरालाले बताए।
उनीमाथि थप अनुसन्धान तथा कारबाहीको लागि शुक्रबार जिल्ला वन कार्यालय हात्तिसार काठमाडौंमा पठाइएको छ।
-1746009348.jpg)
