नेपालमा विगत १० वर्षमा मनसुनजन्य ८ हजार ४ सय ४१ घटना भएका छन्।
बिहीबार बसेको संघीयता सबलीकरण तथा राष्ट्रिय सरोकार समितिको बैठकमा बोल्दै राष्ट्रिय विपद् जोखिम न्यूनीकरण तथा व्यवस्थापन प्राधिकरणका कार्यकारी प्रमुख इन्जिनियर दिनेशप्रसाद भट्टले यसबारे जानकारी गराएका हुन्।
मनसुनजन्य विपद्का कारण विगत १० वर्षमा बाढीका १ हजार ६ सय २ वटा घटना भएका छन्।
त्यस्तै, पहिरोका २ हजार ८ सय ४०, भारी वर्षाका १ हजार ५ सय ९७, चट्याङका घटनाहरू पनि बढेर गएको उनले बताए।
विगत १० वर्षमा चट्याङका २ हजार ४ सय घटनाहरू रहेको बताए।
यस वर्ष गत वर्षको भन्दा बढी पानी पर्ने र गर्मी पनि सरदर भन्दा बढी हुने बताए। यस वर्ष गत वर्षको भन्दा बढी प्रताडित हुनसक्ने आँकलन रहेको र सोहीअनुसार पूर्वतयारीको काम गरिरहेको उनले बताए।
मनसुनजन्य क्षति न्यूनीकरणका लागि नीतिगत र संरचनागत सुधार जरूरी रहेको पनि बताए। सबै काम संघबाट गर्न नसकिने भन्दै स्थानीय तहलाई उसको जिम्मेवारी दिनुपर्ने बताए। स्थानीय तहको क्षमता विकास गर्न पनि जरूरी रहेको बताए।
उनले भने, ‘१० वर्षमा विपद्जन्य घटनाहरू हेर्दा बाढी, पहिरो, भारी वर्षा, चट्याङ त्यस्ता खालका घटनाहरू धेरै छन्। बाढीका १ हजार ६ सय २, पहिरोका २ हजार ८ सय ४०, भारी वर्षाका १ हजार ५ सय ९७, चट्याङका घटनाहरू पनि बढेर गएको छ। ८ हजार ४ सय ४१ घटनाहरू मनसुनजन्य विपद्को घटना १० वर्षमा भएका छन्।’
उनले समाजलाई जिम्मेवार बनाउन नसकेसम्म विपद् व्यवस्थापन दुरूस्त हुन नसक्ने जिकिर गरे।—न्युज एजेन्सी नेपाल
-1742801159.jpg)
