नेकपा एमाले पाल्पाले जिल्लाका सबै पालिकामा सर्वसम्मत रूपमा नेतृत्व चयन गरेको छ।
दुइटा नगरपालिका र ८ वटा गाउँपालिका गरी पाल्पामा १० वटा पालिका छन्। ती सबै पालिकामा सर्वसम्मत रूपमा नेतृत्व चयन भएको हो।
जस अनुसार तानसेन नगरपालिकामा गुरास आत्रेयको अध्यक्षतामा उपाध्यक्ष शशि श्रेष्ठ, सचिव महेशलाल शाक्य, उपसचिवमा मित्र लाल नेपाली र थानिसरा सोमैसहित ७५ सदस्यीय नगर कमिटी चयन भएको छ।
रामपुर नगरपालिकामा पनि विष्णु प्रसाद रेग्मीको अध्यक्षतामा ७५ सदस्यीय नगर कमिटी चयन भएको छ। रामपुरमा उपाध्यक्षमा तोयनाथ सारु, सचिवमा कृतिनाथ श्रेष्ठ उपसचिवमा ईश्वरी खनाल र मिन बहादुर वंशी चयन भएका छन्।
गाउँपालिकातर्फ रैनादेवी छहरामा रामप्रसाद ज्ञवाली, रिब्दिकोट गाउँपालिकामा आशिष विश्वकर्मा, बगनासकाली गाउँपालिकामा हरी पाठक, तिनाउँ गाउँपालिकामा प्रेम श्रेष्ठ र रम्भादेवी गाउँपालिकामा योगेन्द्र कुमार गैरेको अध्यक्षतामा सर्वसम्मत रूपमा नेतृत्व चयन भएको छ।
त्यस्तै, माथाँगढी गाउँपालिकामा तेजबहादुर घर्ती, पूर्वखोलामा जीवन प्रसाद आचार्य र निस्दी गाउँपालिकामा नरेश सुनारीको अध्यक्षतामा सर्वसम्मत नेतृत्व चयन भएको हो।
एमाले अधिवेशनका लागि केन्द्रीय सदस्यदेखि जिल्लाका नेताहरू खटिएका थिए।