नेकपाका महासचिव विष्णु पौडेलले निर्वाचनमा पराजय भोगेपछि विपक्षी दलहरुले परिवर्तित व्यवस्थाको विरुद्धमा भ्रम फैलाउएको बताएका छन् ।
उनले राजनितिक दलहरु निर्वाचनको माध्यमबाट फेरिन सक्ने भएपनि व्यवस्था र संविधान भने नफेरिने बताए ।
नेकपा बुटवल उपमहानगर समितीले बिहीबार आयोजना गरेको दशैं शुभकामना आदान प्रदान कार्यक्रममा बोल्दै महासचिव पौडेलले निर्वाचन हार्दैमा धर्मनिरपेक्ष, समावेशी र समानुपातिक सहितको संघिय प्रणालीलाई दोष दिन नमिल्ने बताए ।
नेता पौडेलले अहिलेको संघिय लोकतान्त्रिक व्यवस्था जनताको संघर्ष र बलिदानीबाट ल्याईएकोले कसैले उल्टाउन नसक्ने जिकिर गरे।
कार्यक्रममा प्रदेश ५ सरकारका उद्योग, बन तथा पर्यटन मन्त्री लिला गिरी, नेपाली कांग्रेस बुटवल उपमहानगर सभापति खेलराज पाण्डे लगायतले चाडपर्वहरुको चियापानले समाजमा मेलमिलाप र भातृत्व कायम हुने बिश्वास व्यक्त गरे।
