तनहुँ क्षेत्र नम्बर १ का सांसद कृष्णकुमार श्रेष्ठ(किसान)ले तनहुँका निम्न वर्गका नागरिकलाई सहयोग गर्ने भएका छन्।
उनले लकडाउनको कारणले बिहान-बेलुकी छाक टार्न मुश्किल भएकाहरूलाई सहयोग गर्ने प्रतिबद्धता व्यक्त गरेका हुन्।
'कोभिड-१९ ले विश्व आक्रान्त बनेको छ। यो बेलामा श्रमजीवी वर्गहरूको जीवन कष्टकर बनेको छ,'फेसबुकमा उनले लेखेका छन् 'यो कठिनाइपूर्ण अवस्थामा तनहुँ जिल्लाका निम्न वर्गका नागरिकहरूलाई त्यस्तो कठिनाइ परेको र दैनिक जीवन गुजार्न कठिन भएको भए अभिभावक सम्झेर मलाई भन्नुहोला म सकेको सहयोग गर्न तयार छु।'
सांसद श्रेष्ठले आफ्नो र आफ्ना स्वकीय सचिवको फोन नम्बर समेत फेसबुकमा राखेका छन्।