नेपाली कांग्रेसका नेता रामचन्द्र पौडेलले राजनीतिक यात्रामा आफूले विश्राम नलिएको बताएका छन्।
पौडेलले आफ्नो राजनीतिक यात्रा जारी र अविछिन्न अगाडि बढिरहेने बताए।
कांग्रेसका नवनिर्वाचित सभापतिदेखि सबै पदाधिकारी र केन्द्रीय सदस्यहरूलाई बिहीबार सन्देश जारी गर्दै पौडेलले ‘मेरा साथीहरूले रामचन्द्रजीले अब पार्टीभित्रको चुनाव लड्नु हुँदैन, जोगिएर रहनुपर्छ भनेको’ हुनाले प्रतिस्पर्धाबाट नै अलग रहने निर्णयमा पुगेको र त्यस निर्णयप्रति इमानदार रहन मतदानबाट अलग भएको दाबी गरे।
पौडेलले राष्ट्रियता, लोकतन्त्र र समाजवादको मिसनबाट बिचलित नहुने बताएका छन्।
उनले लामो समयदेखि पार्टीभित्र नयाँ उर्जा, जोश र जाँगरण पैदा गर्ने र पार्टीलाई नयाँ शैलीमा गतिशील बनाउने उद्देश्यका साथ परामर्श प्रारम्भ गरिएको सम्झिएका छन्।
‘जसबाट युवा शक्तिलाई समेत एकताको सूत्रमा बाँधेर पार्टीमा नयाँ उत्साहको सञ्चार गराउने मेरो उद्देश्य रहेको हो,’ पौडेलले भने, ‘प्रजातान्त्रिक समाजवादको सैद्धान्तिक मार्गको अनुशरण गर्दै मैले पार्टीभित्र एकताको सन्देश दिने प्रयत्न गरेको हुँ।’
उनले महाधिवेशनबाट निर्वाचित भएका सबैलाई बधाइ दिँदै विजयी भएकाले सबैको भावना र मर्मलाई नबिर्सिनू भनेका छन्।
-copy-1745411477.jpg)
-1746009348.jpg)
