प्रधानमन्त्री केपी शर्मा ओलीले 'घुस डिल' गरेको आरोप लागेका संघीय मामिला तथा सामान्य प्रशासन मन्त्री राजकुमार गुप्तालाई सोमबार बोलाएर कुरा गर्ने उनको सचिवालयले जानकारी दिएको छ।
उनले गुप्तासँग एकपटक मौखिक प्रस्टीकरण लिइसकेको र सोमबार थप कुराकानी गर्ने सचिवालयले जनाएको छ।
'आज प्रधानमन्त्रीज्यू झापाबाट फर्किन ढिला भयो। त्यसैले थप कुराकानी हुन सकेन,' सचिवालयका एक अधिकारीले भने, 'भोलि मन्त्री गुप्तालाई बोलाएर छलफल गर्ने तयारी छ।'
उनका अनुसार प्रधानमन्त्रीले मौखिक प्रस्टीकरण लिँदा मन्त्री गुप्ताले केही कुरा बताएका छन्।
'तर एक पक्षको मात्र कुरा सुनेर भएन। यो प्रकरणमा के भएको हो, उहाँले वास्तविकता बुझ्नुहुनेछ। त्यसपछि एक्सन लिनुहुनेछ,' उनले भने, 'विषय आएपछि मौन बस्ने कुरा चाहिँ आउँदैन।'
मन्त्री गुप्ताले भने आइतबार प्रधानमन्त्रीबाट बोलावट नआएको बताए। 'प्रधानमन्त्रीले बोलाउनुभएको छैन। उहाँ झापाबाट फर्किनुभयो भन्ने थाहा पाएको छु,' उनले भने।
घुस प्रकरणमा मुछिएका मन्त्री गुप्ताले यसअघि प्रधानमन्त्रीले मौखिक प्रस्टीकरण लिएको पनि स्वीकार गरेका छैनन्।
घुस प्रकरणमा बाहिरिएको अडिओमा सुनिने आवाज आफ्नो नभएको दाबी गर्दै आएका मन्त्री गुप्ताले त्यसको सत्यतथ्य परीक्षण गर्न माग गरेका छन्।
'त्यो अडिओ परीक्षण गर्न मैले माग गरिरहेको छु। त्यो अडिओ र मेरो आवाज परीक्षण गरियोस्, मेरो अंश कति हो र त्यसमा अरू मान्छेले कति म्यानिपुलेट गरेका छन् भनेर मैले अख्तियारलाई परीक्षण गर्न भनेको छु। राज्यका अरू निकायले छानबिन गर्ने कुरामा पनि सहयोग गर्छु,' उनले भने।
यो पनि:
-copy-1745411477.jpg)
-1746009348.jpg)
