संस्कृति, पर्यटन तथा नागरिक उड्डयन मन्त्री प्रेमबहादुर आलेले नारायणहिटी संग्रहालयस्थित बतास समूहले भाडामा लिएको स्थानको निरीक्षण गर्दै विरह लागेको बताएका छन्।
आइतबार दिउँसो संग्रहालय र मन्त्रालयका कर्मचारीसहित अनुगमन र निरिक्षणमा पुगेका मन्त्री आलेले यस्तो पुरातात्विक स्थानको दुरूपयोग भएको देख्दा विरक्त लागेका बताएका हुन्।
उनले यहाँ भएका पुरातात्विक महत्वको संरचनालाई अनधिकृत रूपमा रेष्टुरेन्ट बनाएको बताएका छन्।
ऐतिहासिक बंकरलाई मदिरा खाने ठाउँ बनाउन लागेकोमा आक्रोशित हुँदै मन्त्री आलेले भने,‘पूर्व मन्त्री आएर निरीक्षण गर्नुभयो भने यसलाई अझै पनि कफी सप नै देख्नुहुनेछ।’
उनले यसको बारेमा छानबिन समितिले प्रतिवेदन बुझाइसकेको भन्दै सम्बन्धित निकायले चाडै काम गर्ने बताए।
-ink1642327875.jpeg)
