नयाँ राष्ट्रपति चुन्नका लागि अहिले मतदान भइरहेको छ।
काठमाडौंको नयाँ बानेश्वरस्थित संसद भवनमा संघीय र प्रदेश सभा सदस्यहरूले अहिले मतदान गरिरहेका छन्।
बिहान १० बजे सुरू भएको मतदान दिउँसो तीन बजेसम्म चल्नेछ।
राष्ट्रपतिका उम्मेदवार रामचन्द्र पौडेल र सुवास नेम्वाङले मतदान गरिसकेका छन्। मतदान गरिसकेपछि दुबै उम्मेदवारले सामूहिक तस्बिर खिचाएका छन्।
राष्ट्रपति निर्वाचनको परिणाम आजै साँझ सार्वजनिक हुनेछ।
