सरकारले शारीरिक तथा मानसिक रूपमा अशक्त बालबालिकाका लागि सबै स्थानीय तहमा पुनर्स्थापना केन्द्र स्थापना गर्ने घोषणा गरेको छ।
परराष्ट्रमन्त्री प्रदीप ज्ञवालीले शारीरिक तथा मानसिक रूपमा अशक्त बालबालिकाहरूका लागि ७ सय ५३ वटै स्थानीय तहमा पुनर्स्थापना केन्द्र स्थापना गर्न लागिएको जानकारी दिए। त्यसमा उनीहरूको हेरचाह, विशेष खालको शिक्षालगायतका व्यवस्था गर्ने सरकारको नीति रहेकोे मन्त्री ज्ञवालीको भनाइ छ।
बुधबार काठमाडौंमा आयोजित एक कार्यक्रममा बोल्दै उनले मानसिक रूपमै अशक्त बालबालिकाहरूका लागि सरकारले भत्ताको व्यवस्था गर्ने नीति लिएको पनि बताए।
उनले शारीरिक तथा मानसिक रूपमा अशक्त बालबालिकाहरूलाई सहयोग गरिरहेका संस्थाहरूलाई सरकारले प्रोत्साहन गर्ने आश्वासन पनि दिए।
परराष्ट्रमन्त्री ज्ञवालीले शारीरिक तथा मानसिक रूपमा अशक्त बालबालिकाहरूका अभिभावकहरूलाई पनि आवश्यक आर्थिक सहायता गर्ने प्रतिवद्धता व्यक्त गरे।
-1746009348.jpg)
