सरकारले संविधान दिवसको अवसरमा वरिष्ठ आँखा रोग विशेषज्ञ डा. सन्दुक रूइतलाई सुप्रसिद्ध प्रवल जनसेवा श्री (प्रथम)बाट सम्मान गर्ने भएको छ।
रूपतसँगै सरकारले संविधान दिवसको अवसरमा ५ सय ९४ जनालाई विभिन्न मानपदवी, अलंकार र पदकबाट सम्मान गर्ने भएको छ।
यसैगरी गृह मन्त्रालयले प्रकाशित गरेको सूचना अनुसार प्रसिद्ध प्रबल जनसेवा श्री(द्वितीय)बाट ४ जना सम्मानित हुने भएका छन्।
यस अन्तरगत सम्मानित हुनेमा सर्वोच्च अदालतका न्यायाधीश दीप कुमार कार्की, अख्तियारका पूर्व प्रमुख नविन कुमार घिमिरे, प्रधानसेनापति पूर्ण चन्द्र थापा र सशस्त्रका प्रहरी महानिरीक्षक शैलेन्द्र खनाल रहेका छन्।
त्यसैगरी सुकीर्तिमय राष्ट्रदीप(तृतीय)बाट सात जना सम्मानित हुने भएका छन्।
यस वर्ष कसैलाई पनि 'नेपाल रत्न' दिइएको छैन।
