दाङको तुलसीपुर उपहानगरपालिकाका सबै वडामा मंसिर १२ गतेदेखि १८ वर्षदेखि माथिका सर्वसाधारणलाई कोरोनाविरूद्धको खोप लगाउन सुरू गरिने भएको छ।
नगरका सबै स्वास्थ्य संस्थाबाट कोरोना विरूद्धको चाइनिज भेरोसेल खोप १८ वर्षदेखि माथिका व्यक्तिलाई क्रमश: लगाइने भएको छ।
तुलसीपुर उपहानगरपालिका जनस्वास्थय प्रवर्द्धन शाखाका फोकल पर्सन विमल केसीले मंसिर १२ गतेदेखि १६ गतेसम्म खोप लगाइने जानकारी दिए।
पालैपालो १८ वर्षमाथिका सबैलाई खोप लगाउने जिल्ला खोप समितिको निर्णयअनुसार खोप कार्यक्रम सञ्चालन गरिने केसीले बताए।
नजिकको वा पायक पर्ने स्वास्थ्य संस्थामा सम्पर्क राखेर आफ्नो टोलको पालो अनुसार स्वास्थ्य सुरक्षा मापदण्ड पालना गरी खोप लगाउन सकिने छ। पहिलो खोप लगाउनेहरूले उमेर खुल्ने परिचय पत्र साथमा लैजानुपर्ने छ।
खोप बिहान ११ बजेदेखि ३ बजेसम्म लगाइने छ।
एउटा स्वास्थ्य संस्थाबाट दैनिक १२५ देखि १५० जनासम्मलाई खोप लगाउने लक्ष्य राखिएको केसीले जानकारी दिए।
1612344859.jpeg)
-1746009348.jpg)
