कैलालीको कैलारी गाउँपालिकाले माघी पर्वको अवसरमा तीन दिन बिदा दिने निर्णय गरेको छ।
गाउँ कार्यपालिकाको बैठकले थारु बाहुल उक्त पालिकामा पुस ३०, माघ १ र २ गते बिदा दिने निर्णय गरेको सूचना अधिकारी यगम कलेलले बताए।
तीन दिन सरकारी कार्यालय, विद्यालय, सार्वजनिक संस्थान, बैंक तथा वित्तीय संस्थामा तीन दिन बिदा रहने कलेलले जानकारी दिए।
थारू समुदायले नयाँ वर्षका रूपमा मनाउने सबभन्दा ठूलो पर्व माघी हो।
कैलारी गाउँपालिकामा ९५ प्रतिशत थारू जातिको बसोबास रहेको छ। अघिल्लो वर्ष पनि सो गाउँपालिकाले माघको अवसरमा तीन दिन सार्वजनिक बिदा दिएको थियो।
पर्व नजिकिएसँगै थारू बस्तीमा माघीको चहलपहल सुरू भइसकेको छ। माघमा धमार गाउने र मघौटा नाच नाचेर मनोरञ्जन गर्ने चलन रहेको छ।
-1746009348.jpg)
