सहिद स्मारक ए डिभिजन लिगमा मनाङ मर्स्याङ्दी क्लब र च्यासल युथ क्लब विजयी भएका छन्।
दशरथ रंगशालामा शनिबार भएको पहिलो खेलमा च्यासलले नेपाल एपिएफ क्लबलाई १-० गोलले पराजित गरेको हो।
च्यासलको जितमा रुमेश बर्तौलाले गरेको गोल निर्णायक बन्यो। उनले खेलको ४९ मिनेटमा गोल गरेका थिए।
जारी लिगमा च्यासलको यो पहिलो जित हो भने एपिएप लगातार दोस्रो खेलमा पराजित भयो। प
हिलो खेलमा च्यासल थ्रीस्टारसँग पराजित भएको थियो। यस्तै एपिएफलाई ब्रिगेड ब्वाइजले पराजित गरेको थियो।
यता मनाङले लगातार दोस्रो खेलमा जित निकालेको छ। मनाङले शनिबार भएको दोस्रो खेलमा हिमालयन शेर्पा क्लबलाई १-० गोलले पराजित गर्यो।
मनाङको जितमा ओलावाले अफिजले गोल गरे। उनले खेलको ८४ मिनेटमा गोल गरेका थिए।
यसअघि मनाङले पहिलो जावलाखेल युथ क्लबलाई १-० गोल नै हराएको थियो।
