सिटिजन्स बैंक इन्टरनेसनलले ‘सिटिजन्स बारापर्सा हुरी पिडित राहतकोष २०७५’को स्थापना गरेको छ ।
बारा र पर्सामा आएको विनाशकारी हावाहुरीबाट भएको जनधनको क्षतिबाट पीडित तथा प्रभावित परिवारलाई सहयोग गर्न कोष स्थापना गरेको बैंकले जनाएको छ।
राहतकोषमा बैंकले दस लाख रुपैयाँ सहयोग जम्मा गर्ने निर्णय गरेको छ।आर्थिक सहयोग गर्न चाहनेले सिटिजन्सको पायक पर्नेे शाखाबाट ‘सिटिजन्स बारापर्सा हुरी पिडित राहतकोष २०७५’को खाता नं ००१०१००००३१६७२०१ मा रकम जम्मा गर्न सक्नेछन्।
उक्त खातामा सहयोग जम्मा गर्नेको नाम ठेगाना र सहयोग रकम बैंकको वेवसाईट तथा सूचनापाटीमा प्रकाशित गरिनेछ।बैंकका देसभरि ८१ शाखा , ७५ एटिएम र ९९ शाखा रहित बैंकिङ्ग एकाई छन्।
