सनराइज बैंकले ३ अर्ब रकमको ऋणपत्र जारी गर्ने भएको छ।
बैंकको १ हजार अंकित दरको ७ वर्ष भुक्तानी अवधि भएको वार्षिक १०.२५ प्रतिशत ब्याजर अर्धवार्षिक रुपमा भुक्तानी गर्नेगरी ३ अर्ब रुपैयाँ रकम बराबरको ऋणपत्र आजदेखि निष्काशन गर्ने भएको हो।
निष्काशन चाडोमा आउँदो आइतबार ढिलोमा मंसिरको १९ गतेसम्म खुल्ला रहने जनाएको छ।
तीन अर्बमध्ये १२ लाख कित्ता बराबरको १ अर्ब २० करोड रुपैयाँको ऋणपत्र सर्वसाधारणमा सार्वजनिक निष्काशनको माध्यमबाट बिक्री गर्नको लागि तथा १८ लाख कित्ता बराबरको एक अर्ब ८० करोड रुपैँया मात्र ऋणपत्र परिपत्र विधिबाट संस्थागत/व्यक्तिहरुलाई बिक्री खुल्ला गरिएको छ।
सिद्घार्थ क्यापिटल लिमिटेड निष्काशन तथा बिक्री प्रबन्धक रहेको यस ऋणपत्र नेपाल स्टक एक्सचेञ्ज लिमिटेडमा सुचीकरण हुनेछ।
साथै विभिन्न बंैक तथा वित्तीय संस्थाहरुबाट धितो राखि कर्जा समेत लिन सकिनेछ।
यस बैंकले १२२ वटा शाखा, ३८ वटा शाखारहित बैंकिङ सेवा, ८ वटा एक्सटेन्सन काउन्टर, १४२ वटा ए.टि.एममार्फत आफ्ना ६ लाखभन्दा बढी ग्राहकहरुलाई सेवा प्रदान गर्दै आइरहेको छ ।
