एनआइसी एसिया बैंकका नव–नियुक्त प्रमुख कार्यकारी अधिकृत (सिइओ) सुजित कुमार शाक्यले बिहीबार (आज) बाट जिम्मेवारी सम्हालेका छन्।
बैंकको सञ्चालक समितिको मिति २०८२ कात्तिक १७ गते बसेको ७३६औं बैठकले शाक्यलाई सिइओमा नियुक्त गरेको थियो।
सिइओमा नियुक्त हुनुभन्दा अघि उनी नबिल बैंकमा वरिष्ठ नायब प्रमुख कार्यकारी अधिकृतको रूपमा कार्यरत थिए।
झन्डै तीन दशकदेखि बैंकिङ क्षेत्रमै सक्रिय शाक्यले दिल्ली विश्वविद्यालयबाट वाणिज्यमा स्नातक र लखनऊस्थित इन्स्टिच्युट अफ प्रोडक्टिभिटी एण्ड म्यानेजमेन्टबाट व्यवस्थापनमा स्नातकोत्तर गरेका हुन्।
सन् १९९६ मा नेपाल श्रीलंका मर्चेन्ट बैंकबाट बैंकिङ यात्राको सुरुआत गरेका शाक्यले हिमालयन बैंक, लक्ष्मी बैंक, बैंक अफ एसिया नेपाल, सिभिल बैंक, जनता बैंक र ग्लोबल आइएमई बैंकमा नायब प्रमुख कार्यकारी अधिकृतको रूपमा काम गरिसकेका छन्।
-1746009348.jpg)
