उपाय सिटी कार्गोले पाटनमा फ्रेन्चाइज मोडलको शाखा विस्तार गरेको छ।
कार्गोले गत मंगलबार पोखरी चोक पाटनस्थित पहिलो फ्रेन्चाइज शाखा उद्घाटन गरेको हो।
एलसिसीआईका अध्यक्ष मनोजबहादुर न्यौपाने, कार्गोका अध्यक्ष सुमन रायमाझी र निर्देशक रन्जिब श्रेष्ठले संयुक्त उद्घाटन गरेका हुन्।
कम्पनीका अनुसार यो मोडलका शाखामा सम्बन्धित ठाउँका स्थानीयले लगानी गर्न सक्छन्।
लगानीकर्तालाई प्रविधि र सेवा कसरी सञ्चालन गर्ने भन्ने कम्पनीले सिकाउनेछ। त्यसबाट आएको आम्दानी उपाय कार्गो र लगानीकर्ताबीच बाँडिन्छ।
यस्ता मोडलका शाखा देशभर विस्तार गर्ने कम्पनीको लक्ष्य छ।
