नेपाली कांग्रेसको १४ महाधिवेशनको उद्घाटन कार्यक्रम भृकुटीमण्डपमा सुरु भएको छ।
कार्यक्रमस्थलमा भर्खरै पार्टी सभापति शेरबहादुर देउवा आइपुगेका छन्। अब केही बेरमै देउवाले औपचारिक कार्यक्रम उद्घाटन गर्ने कार्यक्रम छ।
यसैबीच वरिष्ठ नेता रामचन्द्र पौडेल पनि कार्यक्रमा उपस्थित भइसकेका छन्। केहीबेर अघि संस्थापन इतरको बैठकमा सहभागी भएका पौडेल केहीबेरअघि आइपुगेका हुन्।
कांग्रेस महाधिवेशनको सफलताको शुभकामना दिन पाहुना जाने क्रम सुरू भइसकेको छ । जनता समाजवादी पार्टीका अध्यक्ष उपेन्द्र यादव, लोकतान्त्रिक समाजवादी पार्टीका अध्यक्ष महन्थ ठाकुरसहितका नेताहरुको पुगिसकेका छन्।
दिउँसो १ बजे सुरु हुने भनिए पनि सो समयबाट सांस्कृति कार्यक्रम सुरु गरेर औपचारिक रुपमा भने उद्घाटन भने गरिएको छैन । अहिले कलाकारहरुले गीत तथा नृत्य प्रस्तुत गरिएको छ । साथै विभिन्न जातजातिको झाँक्री प्रस्तुत गरिएको छ ।
