आफ्ना एक सहयोगीलाई कोरोना भाइरसको संक्रमण पुष्टि भएपछि इजरायलका प्रधानमन्त्री बेन्जामिन नेतन्याहु पनि क्वारेन्टिनमा बस्ने भएका छन्।
इजरायलको हरिट्ज समाचारपत्रका अनुसार नेतन्याहुका एक सहयोगीलाई सोमबार कोरोना भाइरस पुष्टि भएको थियो।
प्रधानमन्त्री कार्यालयले सावधानी अपनाउनका लागि नेतन्याहु क्वारेन्टिनमा बस्न लागेको जनाएको छ।
उनको स्वास्थ्य परीक्षण गरिएको/नगरिएकोबारे केही खुलाइएको छैन।
यसअघि बेलायतका प्रधानमन्त्री बोरिस जोन्सनमा कोरोना भाइरसको संक्रमण पुष्टि भएको थियो भने जर्मन चान्सलर एंगेला मर्केल पनि सेल्फ क्वारेन्टिनमा बसेकी थिइन्।
प्रकाशित मिति: सोमबार, चैत १७, २०७६, १८:२४:००
